اورنگ آباد ضلع میں کئی مقامات پر بے موسمی بارش ،بجلی گرنے سے ایک فرد اور آٹھ ماہ کا بچہ جھلس گیا

اورنگ آباد:(اعتماد نیوز)گزشتہ رات اورنگ آباد ضلع کے کئی مقامات پر بے موسمی بارش ہوئی اور بجلی گرنے سے دو افراد جھلس گئے جن میں ایک آٹھ مہینے کا بچہ بھی شامل ہے ۔ یکم تا ۵؍ مارچ بے موسمی بارش ہونے کا اندازہ محکمہ موسمیات نے لگایا تھا جو صحیح ثابت ہوا اور گزشتہ شام دیگر کئی مقامات سمیت اورنگ آباد ضلع میں بھی تیز ہواؤں کے جھوکے چلے ، اور بادلوں کی گرج اور بجلیوں کی کڑکڑاہٹ کے ساتھ بے موسمی بارش ہوئی ۔ضلع انتظامیہ کے کنٹرول سے معلوم ہوا ہے کہ گزشتہ شب اورنگ آباد ضلع میں ۷۲ء۸؍ فیصد بارش ریکارڈ کی گئی ۔ اورنگ آباد تعلقہ میں ۱۰ء۱؍ ملی میٹر بارش ہوئی ، پٹن تعلقہ میں ۹۰ء۰؍ ملی میٹر ، سلوڑ تعلقہ میں ۸۸ء۱؍ ، ملی



میٹر ، کنڑ تعلقہ میں ۳۱ء۳؍ ، ملی میٹر ، گنگا پور تعلقہ میں ۳۳ء۱؍ ، ملی میٹر ، اور ویجاپور تعلقہ میں سب سے کم ۲۰ء۰؍ملی میٹر بارش ریکارڈ کی گئی ۔ ذرائع کے مطابق گزشتہ رات بار ش کے دوران گنگا پو رتعلقہ میں واقع ہرسول گارڈن علاقے میں بجلی گرنے سے نندو ساڑونکے نامی شخص کے علاوہ ویراٹ ارون ساڑونکے نامی ایک ۸؍ مہینے کا بچہ بھی جھلس گیا ۔، ان دونوں متاثرین کو علاج کیلئے ایک سرکاری دواخانے میں شریک کیا گیا ہے ۔ اسی طر ح بلڈانہ ضلع کے دیولگھاٹ میں شیخ سلطان شیخ زین الدین عمر ۱۶؍ سال دسویں کا امتحان دینے کے بعد گھر آرہا تھا راستے میں بجلی گرنے کی وجہ سے اس کی موت واقع ہوگئی ۔ اسی طرح شیخ سہیل شیخ ایوب ۱۲؍ سالہ لڑکا زخمی ہوگیا ۔